22.12.06

Poema de Natal em Tétum

LABARIK-FETO IDA TANIS
Amá, Natál agora besik ona
Kosok-Oan Jezús sei moris dala ida tan,
maibé Bete sei hela iha uma halo ho lona
no ha'u-nia maun nia liman sei fo'er ho raan.
-
Bete ne'e ha'u-nia belun di'ak liu hotu,
nia tinan hanesan ha'u, ami tama SD hamutuk,
ami tanis bainhira haree nia apá nia iis kotu
enkuantu ahi han sira-nia uma to'o mutuk.
-
Nia apá mate tanba ema oho,
oho de'it tanba tiu ne'e ema-lorosa'e.
Sira la biban halai ba foho
hanesan dezlokadu sira halai tun-sa'e.
-
Bete ho nia família viziñu di'ak,
nu'usá imi komesa odi sira derrepente?
Ita hotu iha-ne'e mesak ema kiak...
imi hotu agora laran-dodok, ha'u sente!
-
Joven sira husi bairru maka sunu,
ha'u-nia maun rasik mós ajuda.
Ba ida-ne'e maka uluk imi funu?
Ha'u baruk, ha'u hakarak vida atu muda.
-
Imi la bandu, la obriga nia hela iha uma,
imi husik nia sai vadiu la iha edukasaun,
baku malu, taa malu, hanesan futu-manu ruma.
Hanesan ne'e maka imi hakarak harii nasaun?
-
Amá, ida-ne'e maka futuru ba labarik
iha nasaun foun Timór Lorosa'e?
Se futuru hanesan ne'e duni karik
entaun ha'u hakarak sai malae.
-
Afonso Busa Metan
~
Agradeço este belíssimo poema em Tétum deixado numa caixa de comentários. É bom que o Natal seja um pouco melhor em Timor e permita auspiciar um futuro um pouco mais feliz, pois acredito que os timorenses bem merecem! Um abraço muito forte a todos os meus irmãos timorenses! Saudade!

2 comentários:

Cacusso disse...

Inteiramente solidário no desejo de que o Natal, e o futuro, sejam mais auspiciosos.

Deixo um abraço, votos de um Natal Feliz e ano de 2007 replecto de desejos e projectos amplamente concretizados.

Anónimo disse...

Convido a visitar o blog:
www.anapintura.bgspot.com
Tem 5 trabalhos sobre Timor e 3 sobre Fernando Pessoa/Ricardo Reis e outros.
Maria